दरबारमार्गको भिक्ट्री लाउन्जमा लागेको आगो नियन्त्रणमा आएको छ।
आइतबार साँझ करिब ६ : १० बजे भिक्ट्री लाउन्जमा लागेको आगो केहीबेर अघि नियन्त्रणमा आएको महानगरीय प्रहरी वृत्त दरबारका प्रहरी नायब निरीक्षक गोविन्द नायकले जानकारी दिए।
नेपाल प्रहरी सशस्त्र, प्रहरीलगायतको सक्रियतामा आगो नियन्त्रणमा लिइएको हो।
‘६/७ वटा दमकल प्रयोग गरी आगो नियन्त्रणमा आएको हो’, प्रहरी नायब निरीक्षक गोविन्द नायकले भने, ‘ आगलागीबाट भिक्ट्री लाउन्ज पूर्ण रूपमा क्षति भएको छ।’
आगो निभाउने क्रममा एक जना सामान्य घाइते भएका उनले जनाए।
विद्युत सर्ट भएर आगलागी भएको प्रारम्भिक अनुसन्धानबाट खुल्न आएको उनले बताए।
प्रकाशित मिति: आईतबार, असोज २६, २०७६, १२:२२:००
