चितवनमा उपरदाङगढीबाट शक्तिखोरतर्फ आउँदै गरेको अटो रिक्सा पल्टिँदा चालकसहित ४ जनाको मृत्यु भएको छ।
शनिबार साँझ कालिका-९ दर्बेटारमा बा. प्र ०६-००१ ह ०३१५ नम्बरको अटो रिक्सा अनियन्त्रय भई दुर्घटना भएको जिल्ला प्रहरी कार्यालय चितवनका प्रवक्ता डिएसपी रवीन्द्र खनालले जानकारी दिए।
उनका अनुसार राप्ती-९ का ३९ वर्षीय पूर्ण बिक, २२ वर्षीया बिनी तामाङ, ५५ वर्षीय तिलक तामाङ र राप्ती-८ का ५६ वर्षीया बिष्णुकुमारी तामाङको मृत्यु भएको छ।
'दुर्घटनामा घाइते भएकी राप्ती-९ कै ५३ वर्षीया चिनीकुमारी गुरुङ पुरानो मेडीकल कलेज भरतपुरमा उपचार भइ रहेको छ,' डिएसपी खनालले भने।
-1746009348.jpg)
