झापामा प्रहरीले १३३ वटा अक्सिजन सिलिन्डर संकलन गरेको छ।
यीमध्ये केही सिलिन्डरमा अक्सिजन थियो। कोरोना संक्रमण बढेसँगै संक्रमितलाई अक्सिजन अभाव हुन नदिन प्रहरीले विभिन्न ठाउँबाट अक्सिजनका सिलिन्डर संकलन गरेको हो।
प्रहरीले शनिबार अनारमणि क्षेत्रबाट ९०, धुलावारीबाट १९, दमक र काँकरभिट्टा क्षेत्रबाट १२/१२ सिलिन्डर संकलन गरिएको प्रहरीले जनाएको छ।
प्रहरी नायब उपरीक्षक राकेश थापाका अनुसार कोरोनाका संक्रमित बढेसँगै अक्सिजन सिलिन्डरको माग धेरै छ।
संकलन गरिएका सिलिन्डरमा अक्सिजन भर्न पठाइएका छन्।
अक्सिजन लुकाएर राखेको हुन सक्ने आशंकामा प्रहरीले खोजि गर्दा ती अक्सिजनका सिलिन्डर फेला परेका हुन्।
-1746009348.jpg)
