कैलालीमा कुलोमा डुबेर एक जना बालकको मृत्यु भएको छ।
टिकापुर नगरपालिका-१ एकतानगर शिविर बस्ने लाल सिंह परियारका १२ वर्षीय छोरा दिनेशको मृत्यु भएको हो।
शनिबार दिउँसो उनी सोही ठाउँस्थित जमरा कुलोमा डुबेका हुन्।
जिल्ला प्रहरी कार्यालयका अनुसार उनी नुहाउने क्रममा अचानक पानीमा डुबेका थिए। उनको उद्धार गरी तत्कालै टिकापुर अस्पताल लगिएको थियो। त्यहाँ उपचारको क्रममा मृत्यु भएको प्रहरीले जनाएको छ।
यस सम्बन्धमा प्रहरीले थप अनुसन्धान गरिरहेको छ।