प्रशासन व्यवस्थापन र विकास केन्द्र (कामाद)को अध्यक्षमा सहन्यायाधिवक्ता कोषहरी निरौला निर्वाचित भएका छन्।
शुक्रबार काठमाडौंमा सम्पन्न भएको २३औं साधारण सभाले संस्थाको अध्यक्षमा निरौलालाई निर्वाचनमार्फत चयन गरेको हो।
उपाध्यक्षमा फडिन्द्र दाहाल, महासचिवमा एकनाथ बास्तोला, संगठन विभाग प्रमुखमा दिव्यराज पोख्रेल, सचिवमा देवनारायण पौडेल र निराजन पाण्डे, कोषाध्यक्षमा राजेन्द्रराज ओझा चयन भएका छन्।
त्यस्तै सदस्यहरूमा दिवस आचार्य, बिन्दु धामी रावल, नवराज जैसी, तेजकुमार केसी, छविलाल पौडेल, अनिल खनाल, सुबोध कुमार शाह, निर्माणकुमार कार्की, मोहनबहादुर थापा मगर र बैकुण्ठ उपाध्याय चयन भएका छन्।
डिल्ली सिवाकोटी भने संस्थाका निवर्तमान अध्यक्ष छन्।
यो संस्था २०५४ सालमा स्थापना भएको हो। यस संस्थामा निजामती कर्मचारीहरू आबद्ध छन्।
यसले सार्वजनिक प्रशासनको क्षेत्रमा प्राज्ञिक कार्यहरू र सेवामा रहेका अधिकृतहरूको क्षमता अभिवृद्धि सम्बन्धी कार्यक्रमहरू संचालन गर्दै आइरहेको छ।
यसले प्रकाशित गर्दे आएको कामाद जर्नल सार्वजनिक प्रशासनको क्षेत्रमा उत्कृष्ट रोजाइमा पर्ने गरेको छ।
-1746009348.jpg)
