काठमाडौंको सिनामंगलमा गाडी बिजुलीको पोलमा ठोक्किएको छ।
बुधबार मध्यराति साढे १२ बजे सिनामंगलस्थित होन्डा शोरूम अगाडि पिकअप गाडीले बिजुलीको ट्रान्सफर्मर र पोलमा ठक्कर दिएको हो।
सिनामंगलबाट भत्केको पुल जाँदै गरेको बा १२ च ६५१ नम्बरको गाडी दुर्घटनामा परेको हो।
दुर्घटनामा मानवीय क्षति नभएको ट्राफिक प्रहरीले जनाएको छ। दुर्घटनाले बिजुलीको ट्रान्सफर्मर र गाडीमा क्षति पुगेको छ।
मापसे गरेको पाएपछि ट्राफिक प्रहरीले चालकलाई नियन्त्रणमा लिएको छ।
सिन्धुपाल्चोक घर भई पेप्सीकोला बस्ने श्याम लामालाई प्रहरी वृत्त गौशालाको हिरासतमा राखिएको छ।
अहिले नेपाल विद्युत प्राधिकरणले ट्रान्सफर्मर मिलाउँदै गरेको प्रहरीले जनाएको छ।
