बारामा भारी वर्षा मापन भएको छ।
जल तथा मौसम विज्ञान विभाग बाढी पूर्वानुमान् महाशाखाका अनुसार पछिल्लो तीन घन्टामा बाराको नीजगढमा ६०.२ मिलिमिटर वर्षा भएको छ।
महाशाखाको निजगढ स्टेशनबाट भएको मापनमा १२ घन्टाको अवधिमा त्यहाँ १३३ मिलिमिटर वर्षा भएको छ।
मधेश प्रदेशका विभिन्न जिल्लाहरूमा आज दिउँसो र राति भारी वर्षा हुने मौसम पूर्वानुमान् महाशाखाले जनाएको छ।
भारी वर्षाका कारण साना ठूला नदी खोलामा जलसतह बढ्ने र बाढी पहिरो आउन सक्ने भएकाले सतर्कता अपनाउन महाशाखाले अनुरोध गरेको छ।
