गए रातिदेखि अविरल परेको पानीका कारण काठमाडौंको धोबी खोलाले जल सतह पार गरेर सडकसमेत नाघ्न थालेको छ। नदी किनारका घरहरू डुबानमा परेको स्थानीयले बताएका छन्। अहिले त्यस क्षेत्रमा निरन्तर वर्षात् भइरहेको छ।
अनामनगर क्षेत्रमा धोबी खोलाले जल सतह पार गरिसकेकाले बाढीको जोखिम बढेको छ।
त्यस्तै सामाखुसी खोलामा पनि जल सतह खतराको तह नजिक पुगेको बाढी पूर्वानुमान महाशाखाले जानकारी दिएको छ।
विष्णुमती, मनोहरा लगायतमा जलसतह बढ्दो रहेकाले नदी तटीय क्षेत्रहरूमा रहनेहरू र नदी किनारको सडकबाट यात्रा गर्नेहरूले दिउँसोसम्म उच्च सतर्कता अपनाउन महाशाखाले भनेको छ।
