स्पेनीस ला लिगा फुटबलमा रियल मड्रिडले गोल वर्षा गर्दै सहज र फराकिलो जित हात पारेको छ। आइतबार राति रियल मड्रिडले डिपोर्टिभो ला कोरुनालाई ७–१ ले हराउँदै सानदार जित हात पारेको हो।
रियल मड्रिडको जितमा क्रिष्टियानो रोनाल्डो, नाचो र ग्यारेथ बेलले २–२ तथा लुका मोड्रिचले १ गोल गरे। खेलमा अग्रता भने डिपोर्टिभो लाकुरानाले लिएको थियो। तर जोगाउन नसकदा पराजित हुनुपर्यो।
खेलको २३ औं मिनेटमा डिपोर्टिभोले गोल गर्दै अग्रता लिए पनि पहिलो हाफ सकिंदासम्म रियलले खेल २–१ को अग्रता लिइसकेको थियो।
रियलले दोस्रो हाफमा थप ५ गोल गर्दै ७–१ को फराकिलो जीत हात पार्यो।
जीतसँगै रियल मड्रिड अंक तालिकाको चौथो स्थानमा उक्लिएको छ तर शिर्षस्थानको बार्सिलोना भन्दा अझै १९ अंकले पछि छ।
२० खेल खेल्दा अपराजित रहँदै शीर्ष स्थान रहेको बार्सिलोनाको ५४ अंक पुगेको छ । दोस्रो स्थानको यथ्लेटिको मड्रिडभन्दा ११ अंकले र तेस्रो स्थानको भ्यालेन्सिया भन्दा १४ अंकले अग्रता बनाएको छ। समान २० खेलबाट यथ्लेटिको मड्रिडको ४३ अंक र भ्यालेन्सियाको ४० अंक रहेको छ।
