राष्ट्रिय खेलकुद परिषदले निर्वाचन रोक्न निर्देशन दिनुका बावजुद अखिल नेपाल फुटबल संघ (एन्फा) ले चैत १३ गते झापामा केन्द्रीय कार्यसमितिको निर्वाचन गर्दैछ।
अन्तर्राष्ट्रिय फुटबलको सर्वोच्च संस्था फिफा र एसियाली फुटबल महासंघ (एएफसी) बाट निर्वाचनको प्रक्रियामा अहिलेसम्म साथ पाएको एन्फाले झापा निर्वाचन गर्न लागेको हो।
त्यसका लागि एन्फाको सातदोबाटोस्थित केन्द्रीय कार्यालय मंगलबारदेखि बन्द गरेको छ। निर्वाचनका लागि एन्फाका पदाधिकार र कर्मचारी झापा जाने क्रममा छन्।
यसपटकको निर्वाचनमा एन्फा अध्यक्ष पंकजबिक्रम नेम्बाङ र उपाध्यक्ष दीर्घबहादुर केसीबीचको प्यानलबीच प्रतिस्पर्धा हुँदैछ।
एन्फा निर्वाचनमा व्यस्त रहे पनि ए डिभिजन क्लबहरु भने एक सातादेखि एन्फा कार्यालको मुख्य गेटमा रिले अनसन बसिरहेका छन्। चुनावको मुखमा क्लबहरुले ए डिभिजन लिगको विषयमा खेलाडी संघसँग गरिएको सम्झौताको विरोध गर्दै अनसन बसिरहेका हुन्।
यो पनि : एन्फासँग ए डिभिजन क्लबका सात माग
यसअघि नेपाल फुटबल खेलाडी संघसँगको वार्तामा ए डिभिजन लिग चैत ३० गतेदेखि गर्ने सहमति भएको थियो। त्यहिँअनुरुप एन्फाले क्लबहरूलाई पत्राचार गरेको थियो। तर क्लबहरूले यो सहमतिलाई एकलौटी भनेको छ।
-1746009348.jpg)
