नेपाल प्रिमियर लिग (एनपिएल) अन्तर्गत आज पोखरा एभेन्जर्सले जनकपुर बोल्ट्सविरुद्ध टस जितेको छ।
त्रिवि क्रिकेट मैदानमा साँझ ५ बजे सुरु हुने खेलमा पोखराका कप्तान कुशल भुर्तेलले टस जितेर पहिले बलिङ गर्ने निर्णय लिएका छन्।
पोखराले आजको खेलका लागि टोलीमा तीन विदेशी खेलाडीयो प्लेइङ-११ उतारेको छ। टोलीमा कप्तान कुशल भुर्तेलसँगै विपिन खत्री, किरण ठगुन्ना, दीनेश खरेल, अर्जुन मगर, विपिन आचार्य, प्रतीक पोख्रेल, सकिब अल हसन, मेहदी हसन, मोहम्मद सैफउद्दीन र चामिका करुणारत्ने छन्।
यता जनकपुरले पनि विदेशी खेलाडीले भरिएको टोली उतारेको छ। कप्तान हरमीत सिंहको नेतृत्वमा जिम्मी निशम, सैफ हसन, मोइन अली, ललित राजवंशी, अनिल साह, मयन यादव, तृतराज दास, अभिषेक तिवारी, राहुल यादव र अमरसिंह रौटेला प्लेइङ-११ मा छन्।
पोखराले पहिलो खेलमा पराजय भोगेको थियो। जनकपुरले भने दुईमध्ये एक खेलमा जित निकालेको थियो।
आजको खेलमा पोखराले आकाश चन्द, धनन्जय लक्षन र सामराविक्रमाको स्थानमा विपिन आचार्य, मोहम्मद सैफउद्दीन र चामिका करुणारत्नेलाई खेलाएको छ।
खेलमा जनकपुरले एक खेलाडी परिवर्तन गरेको छ। अघिल्लो खेलमा जनकपुरले कुशल परेरालाई प्लेइङ–११ मा समेटेको थियो। तर पोखराविरुद्धको खेलमा उनको स्थानमा न्युजिल्यान्डका अलराउन्डर जिम्मी निशमलाई खेलाएको छ।
