गायिका अस्मिता अधिकारीको स्वरमा ‘सूर्य अंकित मेरो देशलाई हत्केलाले छेकेर छेकिन्न’ गीत बजारमा सार्वजनिक गरिएकाे छ।
निरु त्रिपाठीको शब्द, वरिष्ठ संगीतकार न्ह्यू बज्राचार्यको संगीत रहेको उक्त गीत मेलवर्नमा छायांकन गरिएको हो।उक्त गीत भिक्टोरियाको लागि नेपाली महावाणिज्यदूत कार्यालयले प्रस्तुत गरेको हो।
गीतको भिडिओ जीवन रसाईलीले निर्देशन गरेका छन्। गीतमा भिक्टाेरियाका महावाणिज्यदूत चन्द्र याेन्जन र उनकी श्रीमती लक्ष्मी याेन्जनले समेत अभिनय गरेका छन्।
विदेशमा बसिरहँदा पनि स्वदेशलाई महशुस गरेर राष्ट्रिय गीत लेख्दा मनमा एकदमै आनन्द लाग्ने निरु त्रिपाठीले बताइन्।
यो गीत उनले आफ्नो देश नेपाल, विश्वको हरेक कुनामा बस्ने नेपालीहरू र नेपाललाई माया गर्ने सबैप्रति समर्पित गर्न चाहन्छिन्।
