चर्चित डान्सिङ समूह 'द कार्टुन्ज क्रु' ले वेब सिरिज 'स्वस्थानी भर्सेस ग्याङ' ल्याउने भएका छन्।
वेब सिरिज 'स्वस्थानी भर्सेस ग्याङ' वैशाख १ गतेदेखि स्ट्रिमिङ हुनेछ। सिरिजको केही पोस्टर सार्वजनिक गर्दै समूहले उक्त जानकारी दिएका हुन्।
सार्वजनिक पोस्टरले सिरिजको कथावस्तु, चरित्र चित्रण र मुड दर्शाउँछ। यसअघि रूचाइएका 'हाम्रो हाइस्कुल', 'ट्वेन्टीफस्ट लभ' र 'यु एण्ड आई' पछि प्रोफाइल पिक्चर्सले 'कार्टुन्ज क्रु' सँगको सहकार्यमा यो सिरिज ल्याउन लागेको हो।
यो सिरिजको कथा, पटकथा र निर्देशन सरिन पोखरेलको छ। सरोज अधिकारी र सागर खनाल निर्माता रहेको सिरिजमा विजय अधिकार (बन्नी) कार्यकारी निर्माता छन्।
सिरिजमा आश्मा विश्वकर्मा, सरोज अधिकारी, जिवेश गुरुङ, लक्ष्मी गिरी, विजय अधिकारी, संगिता बस्याल, अस्मिता खनाल, अभिप्सा खनाल, संयोग गुरागाईं, रोशनी कार्की, निकोलस अर्याल, सोनिया लामालगायत कलाकारको अभिनय छ। गायक प्रताप दासको केमियो भूमिका हुनेछ।
सिरिजको शीर्ष भूमिका स्वस्थानीमा आश्माले अभिनय गरेकी छन्। एउटा मोबाइल वरपर केन्द्रित कथावस्तुमा सिरिज बनेको छ। सिरिज १० एपिसोडको हुनेछ।
संकल भुजेलले छायांकन गरेको वेब सिरिजलाई सागर खनालले सम्पादन गरेका छन्। एड्भेन्चर, कमेडी, रोमान्टिक ड्रामा जनरामा राखिएको यो सिरिज कार्टुन्ज क्रुको युट्युब च्यानलमा स्ट्रिमिङ हुनेछ।
-1742801159.jpg)
