गत साउन २३ गतेदेखि प्रदर्शनमा आएको फिल्म 'मोहर' ले राम्रो कमाइ गरिरहेको छ। निर्माताको दाबी अनुसार फिल्मको कमाइ पाँच करोड नाघिसकेको छ।
फिल्मले पाँच करोड ४२ लाख रूपैयाँ ग्रस कमाइ गरेको निर्माण कम्पनी फिल्म मेकर्स प्रा.लि.ले जनाएको छ। निर्माण कम्पनीले शनिबार आफ्नो आधिकारिक सामाजिक सञ्जालमा एक पोस्ट गर्दै कमाइबारे जानकारी दिएको हो।
ओम प्रतीकको लेखन तथा निर्देशनमा बनेको 'मोहर' चौथो सातामा प्रदर्शनरत छ।
फिल्ममा पल शाह, बेनिशा हमाल, नीति शाह, अर्जुनजंग शाही, मिथिला शर्मालगायत कलाकारहरूको अभिनय छ। 'मोहर' को निर्माता चुम्बन जंग शाही हुन्।
-1746009348.jpg)
