षट्कोण आर्ट्सको निर्माणमा बनेको फिल्म 'लालीबजार' आगामी वर्ष २०८३ को बैशाखमा प्रदर्शनमा आउने भएको छ।
निर्माताले बुधबार टिजर सार्वजनिक गर्दै प्रदर्शन मिति घोषणा गरेका हुन्। फिल्म बैशाख १८ गतेदेखि प्रदर्शनमा आउने भएको हो।
सार्वजनिक टिजरमा फिल्मका मुख्य पात्रहरूलाई समेट्दै कथाबस्तुबारे संकेत दिइएको छ।
बर्दियाको राजापुरमा छायांकन गरिएको फिल्ममा स्वस्तिमा खड्का, रवीन्द्रसिंह बानियाँ, विशाल देवकोटा, प्रशंसा सुवेदी, समाइरा थापा, मुकुन्दकुमार श्रेष्ठ, अभय बराल, आशा पौडेल, गोविन्द सुनार, आभा अर्याल, तारा शर्मा, रमेश वादी, सरस्वती अधिकारीलगायत कलाकारहरूको अभिनय छ।
विशाल देवकोटा र प्रसंशा सुवेदीले यसै फिल्ममार्फत डेब्यु गर्न लागेका हुन्। यम थापाको कथा तथा निर्देशनमा तयार भएको 'लालीबजार' को पटकथा र संवाद निर्देशक थापा र प्रदीप भट्टराईले संयुक्त रूपमा तयार गरेका हुन्। अभिनेत्री खड्काको नियमितभन्दा फरक भूमिकाले फिल्मप्रति दर्शकको उत्सुकता बढिरहेको छ। फिल्ममा कार्यकारी निर्मातामा प्रदीप भट्टराई छन् भने म्याक्स दीपेश खत्री र रविन्द्रसिंह बानियाँ निर्माता रहेका छन्।
फिल्ममा क्रिएटिभ निर्देशक जेबी रूवाली, द्वन्द्व निर्देशक सम्राट बस्नेत, छायांकन निर्देशक सुशन प्रजापती, सम्पादक मित्रदेव गुरूङ, प्रोडक्सन हेड रूपकप्रताप अधिकारी, कलर रेनिश फागो, भिएफएक्स समिर श्रेष्ठ र सत्यम राना, ब्याकग्राउण्ड म्युजिक र मिक्सिङ रोहित शाक्य र शैलेश श्रेष्ठ, कला निर्देशक उमेश चौधरी, कस्ट्युम डिजाइनर र स्टाइलिस जानकी कडायत, मेकअप काव्या थापा, संगीत प्रकाश सपूत, खेम सेन्चुरी र जयन जे वाइवाको रहेको छ।
-1746009348.jpg)
