रिलिजको पाँच दिनमै प्रदर्शन स्थगित गरिएका तीन नेपाली फिल्मको बक्सअफिस कमाइ निराशाजनक देखिएको छ।
फागुन १ गतेदेखि प्रदर्शनमा आएका 'बिगुल', 'श्री बुकुरो' र 'शिवांश' ले ६ गतेदेखि प्रदर्शन स्थगित गरेका थिए।
यीमध्ये कुनै पनि फिल्मले सिनेपाः बक्सअफिसमा १० लाख रूपैयाँको आँकडा पनि पार गर्न नसकेका हुन्।
बक्स अफिस स्रोतले दिएको जानकारी अनुसार तीन फिल्ममध्ये 'बिगुल' को ग्रस कमाइ ८ लाख रूपैयाँ हाराहारी छ। 'बाँकी दुई फिल्मको कमाइ ३ लाख आसपासमा छ', स्रोतले भन्यो।
चलचित्र विकास बोर्डले आधिकारिक बक्स अफिस रिपोर्ट भने आगामी सोमबार सार्वजनिक गर्नेछ।
-1746009348.jpg)
