चन्द्र पन्त निर्देशित सुपरहिट फिल्म 'आबाट आमा' को सिक्वेल निर्माण हुने भएको छ।
आइतबार अभिनेता पल शाहको जन्मदिनको अवसर पारेर 'आबाट आमा २' को घोषणा गरिएको हो।
माघ १६ गतेदेखि प्रदर्शनमा आएको 'आबाट आमा' सुपरहिट भएसँगै यसको सिक्वेलको घोषणा गरिएको हो।
'आबाट आमा' ले घरेलु बक्सअफिसमा ११ करोड रूपैयाँभन्दा माथिको व्यापार गरिसकेको छ। फिल्ममा पल शाह, विपिन थापा, प्रदीप रावत, सिम्रन पन्त, साइग्रेस पोखरेल, उषा उप्रेतीलगायत कलाकारहरूको अभिनय छ।
दोस्रो भागमा अभिनेता पल शाह स्वयं शीर्ष भूमिकामा रहनेछन्। आर्य इन्टरटेन्मेन्टले दोस्रो भागको पोस्टर समेत सार्वजनिक गरेको छ। जसमा अभिनेता पल शाहलाई मात्र प्रस्तुत गरिएको छ। अन्य कलाकारबारे निर्माण पक्षले खुलाएको छैन।
दसैंमा प्रदर्शन
फिल्मसँगै निर्माण पक्षले प्रदर्शन मिति समेत घोषणा गरेको छ। 'आबाट आमा २' २०८३ सालको दसैंमा प्रदर्शनमा आउनेछ। दसैंका लागि यसअघि पनि केही फिल्मले प्रदर्शन मिति घोषणा गरिसकेका छन्।
-1746009348.jpg)
