क्रोएसियामा श्रमिकहरूको न्यूनतम पारिश्रमिक बढ्ने भएको छ।
सन् २०२७ देखि लागू हुने गरी न्यूनतम मासिक तलब एक हजार १३० युरो निर्धारण गरिएको हो।
क्रोएसियाली सरकारले बिहीबार, अक्टोबर २९ मा सन् २०२७ का लागि नयाँ न्यूनतम तलब स्वीकृत गरेको हो।
हाल क्रोएसियामा न्यूनतम मासिक तलब एक हजार ५० युरो छ।
नयाँ व्यवस्था-अनुसार सन् २०२७ जनवरीदेखि तलब ८० युरो अर्थात् ७.६ प्रतिशतले बढ्ने भएको हो।
क्रोएसियामा ठूलो संख्यामा नेपाली श्रमिकहरू पनि कार्यरत छन्।
यसबाट नेपाली श्रमिकहरू समेत लाभान्वित हुने भएका हुन्।
