अन्तर्राष्ट्रिय नेपाली कलाकार समाज (इनास) ग्लोबल समितिको अध्यक्षमा बेल्जियम निवासी अर्जुन काफ्ले निर्वाचित भएका छन्।
काठमाडौंमा सम्पन्न इनासको छैटौँ महाधिवेशनबाट (२०२५-०२७) को कार्यकालका लागि काफ्ले अध्यक्ष निर्वाचित भएका हुन्।
३५ वर्ष अघि युरोप गएका काफ्ले बेजियमका रेस्टुरेन्ट व्यवसायी हुन्।
काफ्ले चितवनमा रहेको 'ओम मेगाश्री फर्मास्युटिकल्स' कम्पनीका संस्थापक निर्देशक समेत हुन्।
इनासको ग्लोबल समितिको नयाँ कार्यसमितिको उपाध्यक्षहरूमा मित्रलाल पार्दे (पोल्याण्ड), राधा क्षेत्री (अमेरिका), राजमान तामाङ (डेनमार्क), कुल राज थापा (नेपाल) चयन भएका छन्। महासचिवमा प्रकाश तिवारी (आइसल्याण्ड), प्रवक्तामा आनन्दु लामा (अमेरिका), सचिवमा कृष्ण श्रेष्ठ (अमेरिका), कोषाध्यक्षमा रूपा न्यौपाने (नेपाल) र सह–कोषाध्यक्षमा कन्हैया सिंह परियार (अमेरिका) निर्वाचित भएका छन्।
यस्तै, युरोप क्षेत्रीय समन्वय समितिको संयोजकमा सुनिल गुरूङ (जर्मनी), युरोप क्षेत्रीय संयोजकमा श्याम श्रेष्ठ (बेल्जियम) तथा उत्तर अमेरिका क्षेत्रीय संयोजकमा राहुल केसी (अमेरिका) चयन भएका छन्।
ग्लोबल अध्यक्ष निर्वाचित भइसकेपछि अध्यक्ष काफ्लेले संसारभर छरिएर रहेका नेपालीहरूको भाषा, कला, संस्कृति, खेलकुद जस्ता बहुविध क्षेत्रलाई सम्बोधन गर्दै सांस्कृतिक एकताका माध्यमबाट नेपाल र नेपाली पहिचान स्थापित गर्नेमा आफ्नो टिम लाग्ने प्रतिबद्धता व्यक्त गरे।
1635339834.jpeg)
-1746009348.jpg)
