आइएमई ग्रुपअन्तर्गत संचालित अशोक लेल्याण्ड र एनएमबी बैंक बीच कारोबार सम्झौता भएको छ।
आईएमई मोटर्सबाट सिफारिस पाएका ग्राहकले एनएमबी बैंकबाट योग्य व्यक्ति तथा संस्थालाई परिपत्र तथा सहुलियतपूर्ण कर्जा लगानी गर्न साथै ब्याज अनुदान सम्बन्धि समझौता पत्रमा हस्ताक्षर भएको हो।
सम्झौतामा बैंकको तर्फबाट चिफ बिजनेस अफिसर सुदेश उपाध्याय र आइएमई मोटर्सको तर्फबाट नायव प्रमुख कार्यकारी अधिकृत सुरज भट्टराईले हस्ताक्षर गरेका छन्।
यसै अनुरुप बैंकको नीतिअनुसार ग्राहकलाई भारतीय कम्पनी अशोक लेल्यान्डद्वारा निर्मित र आइएमई मोटर्सद्वारा बिक्रीवितरण गरिएको दोस्त मोडलका सम्पूर्ण सवारी साधन खरिदमा बिनाधितो कम्तिमा खरिद मूल्यको ६० प्रतिशतसम्म सहुलियत पूर्ण कर्जा उपलब्ध गर्ने सुविधा प्राप्त भएको छ।
यो सुविधा अशोक लेल्यान्डद्वारा निर्मित र आइएमई मोटर्सद्वारा बिक्रीवितरण गरिएका अन्य सवारी साधनमा पनि बैंकको नीति नियमभित्र रही कर्जा प्रवाह गर्ने भएको छ।
यो सुविधाले आगामी दिनमा ग्राहकलाई कर्जा सुविधा प्राप्त गर्न निकै सजिलो हुने दुबै कम्पनीको भनाइ छ