धितोपत्र बोर्डले घोराही सिमेन्टमा आवेदन दिएर स्वीकृत भइसकेका आवेदन समेत लगानीकर्ताले चाहेमा रद्द गर्न वा लगानी थपघट गर्न सक्ने व्यवस्था गरिदिएको छ।
बोर्डका अनुसार हालसम्म ३ अर्ब ६१ करोड रकम स्वीकृत भएर होल्ड भएको छ।
अब लगानीकर्ताले लगानी परिवर्तन गर्न वा झिक्न भने आफ्नो रकम रहेको बैंकलाई जानकारी गराउनु पर्ने सिडिएस एण्ड क्लियरिङ लिमिटेडका प्रवक्ता सुरेश न्यौपानेले बताए।
उनका अनुसार बैंकले हाल होल्ड गरेको रकम लगानीकर्ताको आग्रह अनुसार खुला गरिदिएपछि मात्रै 'मेरो सेयर' एप्लिकेशनमा गएर संशोधन (इडिट) गर्न सक्छन्।
'लगानीकर्ताले अहिले नै आफैँले मेरो सेयर खातामा गएर आवेदन संशोधन गर्न मिल्दैन, त्योभन्दा अघि आफ्नो रकम रहेको बैंकलाई रकम खुला गर्न भन्नुपर्छ। त्यसपछि भने आफैँले संशोधन गर्न सक्छन्।'
बोर्डले निष्कासन तथा बिक्री प्रबन्धकले लगानीकर्तालाई यस्तो संशोधनको लागि तीन दिनको समय दिन समेत भनेको छ।
निष्कासन तथा बिक्री प्रबन्धकले यसले सूचना गरेर दिने तीन दिनभित्रमा नै लगानीकर्ताले आफ्नो आवेदन संशोधन गर्न सक्नेछन्।
कम्पनीको सेयर बिक्री प्रबन्धकहरूमा हिमालयन क्यापिटल र नबिल इन्भेष्टमेन्ट बैंकिङ छन्।
याे पनि हेर्नुस्:
घोराही सिमेन्टको आइपिओ फेरि खुला हुने, लगानीकर्ताले चाहे रकम झिक्न वा थपघट गर्न सक्ने
-1746009348.jpg)
