डिशहोम फाइबरनेट कम्पनीले हालसालै सार्वजनिक गरेको इन्टरनेटका विभिन्न वार्षिक योजनाहरूमा छुट प्रदान गरेको छ।
यस अफर अन्तर्गत अब नयाँ ग्राहकले ५० एमबिपिएसको वार्षिक प्याकेज ६ हजार ६८५ रूपैयाँ (भ्याट बाहेक) मा जडान गर्न सक्नेछन्।
साथै ग्राहकले वार्षिक प्याकेज जडान गर्दा फाइभ–जी (डुअल ब्यान्ड) राउटर पनि सित्तैमा पाउने कम्पनीले जनाएको छ। यसअघि यही ५० एमबिपिएसको वार्षिक प्याकेजको मूल्य ७ हजार ७९९ रूपैयाँ पर्ने गर्दथ्यो।
यो सान्दार १२ महिने योजना अफरअन्तर्गत नयाँ ग्राहकले ५० एमबिपिएस देखि ३ सय एमबिपिएससम्मका प्याकेजहरू जडान गर्न सक्नेछन्।
जसमा ग्राहकहरूले ५० एमबिपिएसदेखि २ सय ५० एमबिपिएससम्मको वार्षिक प्याकेज जडान गर्दा फाइभ–जी राउटर पाउनेछन् भने ३ सय एमबिपिएसको प्याकेज लिने ग्राहकले वाइफाई–६ राउटर पाउनेछन्।
यसअघि कम्पनीले जारी गरेको फेस्टिभ २४ महिने अफरलाई भने निरन्तरता दिने जनाएको छ। ५० एमबिपिएसको २४ महिने अफरको मूल्य १० हजार ४९९ रूपैयाँ (भ्याट बाहेक) पर्ने कम्पनीको भनाइ छ।
थप जानकारीको लागि आफू नजिकैको डिशहोम फाइबरनेट डिलर दाइ वा ०१–५९७०३६५ मा सिधै फोन गर्न सक्ने डिशहोम फाइबर नेटले जनाएको छ।
