डिजिटल वालेट 'आइएमई पे' र एजुकेशन पार्कबीच आइइएलटिएस र पिटिइको तयारी कक्षामा ५० प्रतिशत छुट दिने सम्झौता भएको छ।
उक्त सम्झौता अनुसार सिभिल मल, काठमाडौंको आठौं तलामा रहेको एजुकेशन पार्कमा आइइएलटिएस र पिटिइको तयारी कक्षा लिन इच्छुक विद्यार्थीले आइएमई पे मार्फत् कक्षाको शुल्क भुक्तानी गर्दा सो छुट प्राप्त गर्न सक्नेछन्।
गत पुस ६ गतेबाट लागू भएको सो योजनाको अवधि तीन महिनाको हुने बताइएको छ।
आइइएलटिएस र पिटिइ कक्षामा अग्रणी एजुकेशन पार्क र नेपालको पहिलो भुक्तानी प्रदायक आईएमइ पे बीचको यो योजनाले सो कक्षा लिन चाहने विद्यार्थीहरूलाई अझ सहज हुने कुरामा दुबै कम्पनीले विश्वास लिएका छन्।
योजनाको अवधि ३ महिनाको भएता पनि पहिला कक्षा बुक गर्ने विद्यार्थीहरूले आफ्नो समय अनुसारको कक्षाको छनौट गर्न सक्नेछन्।
विद्यार्थीहरू माझ अति नै लोकप्रिय दुबै कक्षा अनलाईनमार्फत् समेत लिन सकिने व्यवस्था गरेको एजुकेशन पार्कले जनाएको छ।
