नेपालको सडक र ऊर्जामा खर्च गर्नेगरी ५० करोड अमेरिकी डलरको परियोजना मिलेनियम च्यालेन्ज कोअपरेसन (एमसिसी)ले सडक मर्मतका लागि नेपालमा नयाँ प्रविधि भित्र्याउने भएको छ।
प्रशारण लाइन र सडक निर्माण तथा मर्मतमा खर्च गर्ने उक्त परियोजना कार्यान्वयन गर्न गठन भएको एमसिसी कम्प्याक्टले सडक मर्मतका लागि नयाँ प्रविधि भित्र्याउन लागेको हो।
उक्त परियोजनाले पूर्वपश्चिम राजमार्गको एउटा खण्डमा पाइलट प्रोजेक्टका रूपमा काम गर्दै उक्त प्रविध नेपाल आउने छ।
सडक विभागका महानिर्देशन केश शर्माका अनुसार एमसिसीले दाङको भालुबाङ-लमही खण्डमा राजमार्ग मर्मत गर्ने छ। यसका लागि सहमति भइसकेको छ।
नयाँ प्रविधि अन्तर्गत सडकमा उप्किएको पिच,खाल्डाखुल्डी तथा तलमाथि भएको सडको सतहको मेसिनले पहिचना गर्ने छ। त्यसरी पहिचान भएपछि भएको पिचको पनि प्रयोग हुनेगरी नयाँ कालोपत्रे हुने छ।
त्यसरी कालोपत्रे गर्दा पनि नयाँ प्रविधिको मेसिनबाट हुने छ। जुन गाडी गुड्दै कालोपत्रे हुँदै जाने छ। यसरी भएको कालोपत्रे बलियो हुने शर्माको भनाइ छ। एमसिसीले यस्तो कालोपत्रेको आयु २० वर्ष हुने जानकारी गराएको छ।
सडक मर्मतका लागि यो सानो आयोजना भएपनि यसबाट आउने प्रविधि नेपालका लागि कोशेढुंगा हुने शर्माको विश्वास छ।
'अहिले हामीलाई सडक निर्माण र मर्मत उस्तै हुने गरेको छ। यो प्रविधि आयो भने यसबाट हामी देशका अन्य सडकमा प्रयोग गर्नसक्छौं' शर्माले भने।
-1746009348.jpg)
