ललितपुरको कुपण्डोलस्थित 'द वेस्टमिन्सटर कलेज'ले युकेको दुई शैक्षिक पाठ्यक्रमहरू सञ्चालनमा ल्याएको छ।
ब्रिटिस एजुकेशन ग्रुप अन्तर्गतको वेस्टमिन्सटर कलेजले युनिभर्सिटी अफ वेस्टमिन्सटर युकेका दुई नयाँ पाठ्यक्रमहरू बिएससी कम्प्युटर साइन्स र साइबर सेक्युरिटी एण्ड फोरेन्सिक्सस् विषय सञ्चालनमा ल्याएको हो।
सूचना तथा प्रविधिको क्षेत्रमा आवश्यक जनशक्ति तयार गर्नको लागि वेस्टमिन्सटरले सर्वसुलभ शुल्कमा उल्लेखित पाठ्यक्रमहरू सञ्चालनमा ल्याएको हो।
प्रविधिको क्षेत्रमा नवीनता र आविष्कार गर्नको लागि सक्षम जनशक्तिको निर्माण गरेर मुलुकको आर्थिक उन्नतिमा महत्वपूर्ण योगदान पुर्याउने लक्ष्य स्वरुप पाठ्यक्रमहरू सञ्चालनमा ल्याएको कलेजको भनाइ छ।
वेस्टमिन्सटर कलेजका प्रमुख अरुण लाल जोशीले भने, 'हामीले बिएससी कम्प्युटर साइन्स र साइबर सेक्युरिटी एण्ड फोरेन्सिक्सस् विषय सञ्चालनमा ल्याएर शिक्षा मात्रै प्रदान गरिरहेका छैनौं, डिजिटल नेपालको भविष्यलाई समेत आकार दिइरहेका छौं।'
कलेजले सम्भावित विद्यार्थी र उनीहरूको परिवारहरूलाई यी परिवर्तनकारी शैक्षिक कार्यक्रमहरूले डिजिटल युगमा फस्टाउँदो करिअरको लागि मार्ग प्रशस्त गर्ने प्रतिज्ञा गरेको छ।
लण्डनस्थित वेस्टमिन्सटर युनिभर्सिटी, क्युएस वर्ल्ड विश्वविद्यालय र्याङ्किङ–२०२४ मा ७११–७२० मा परेर सिल्भर रेटिङ पाएको छ। विद्यार्थीहरूको शैक्षिक अनुभव र विद्यार्थीहरूको नतिजाको आधारमा सिल्भर रेटिङ पाएको हो।
यस विश्वविद्यालयमा भर्ना हुने विद्यार्थीहरूले चार वर्षको डिग्री प्राप्त गर्छन्।
त्यस्तै, उनीहरूले इ–लाइब्रेरी, ब्ल्याकबोर्ड प्लेटफर्मका साथै समृद्ध शैक्षिक अनुभवसम्मको पहुँच प्राप्त गर्छन्।
कम्प्युटर साइन्स विषय व्यापक ज्ञानसँग विद्यार्थीहरूलाई हरेक ढंगले तम्तयार पार्नको लागि डिजाइन गरिएको छ।
यसमा कम्प्युटर साइन्सबारे बृहत ज्ञान, सफ्टवेरको विकास, आर्टिफिसियल इन्टिलिजेन्स, डेटा एनालिटिक्स लगायतका क्षेत्रहरू समेटिएका छन्।
यो पाठ्यक्रम विश्वव्यापी उद्योगका आवश्यकताहरु पूरा गर्न र प्राविधिक क्षेत्रका विविध भूमिकाका लागि विद्यार्थीहरू तयार पार्न सक्षम छ।
त्यस्तै, कलेजले प्रदान गरेको अर्को विषय साइबर सेक्युरिटी एण्ड फोरेन्सिक कार्यक्रम साइबर सुरक्षा र डिजिटल फोरेन्सिकको महत्वपूर्ण पक्षहरूमा केन्द्रित रहेको छ।
यो विषयले डिजिटल एसेस्ट्सहरूको सुरक्षा गर्ने र साइबर अपराधहरूको अनुसन्धान गर्ने जनशक्तिहरूको उत्पादन गर्ने लक्ष्य राखेको छ। विश्वव्यापी रूपमा साइबर सुरक्षा विज्ञहरूको बढ्दो मागलाई पूरा गर्नको लागि यस विषय महत्वपूर्ण छ।
