आर्थिक बहसका लागि सर्वपक्षीय संवाद, को-को छन् सहभागी? (तस्बिरहरू)

नवीनबाबु गुरूङ

काठमाडौं, पुस १६

नेपाल उद्योग वाणिज्य महासंघले शान्ति, स्थायित्व र समृद्धिका लागि सहकार्य शीर्षकमा सर्वपक्षीय राष्ट्रिय संवाद राखेको छ।

महासंघ अध्यक्ष चन्द्र ढकालले देशको अर्थतन्त्र उकास्ने उद्देश्यले यो संवाद राखिएको बताएका छन्।

संवादमा प्रधानमन्त्री सुशीला कार्की प्रमुख आतिथि रहेकी छन्।

संवादमा प्रमुख राजनीतिक दल, निजी क्षेत्र, युवा पुस्ता (जेनजी), नागरिक समाज तथा सञ्चार क्षेत्रका प्रतिनिधि सहभागी हुनेछन्।

सर्वपक्षीय राष्ट्रिय संवादमा प्रधानमन्त्री कार्की, अर्थमन्त्री रामेश्वर खनाल, सूचना तथा सञ्चार प्रविधिमन्त्री जगदीश खरेल, कानुनमन्त्री अनिलकुमार सिन्हा, महिला तथा बालबालिका मन्त्री श्रद्धा श्रेष्ठ सहभागी छन्।

कार्यक्रममा तीन जना पूर्वप्रधानमन्त्री सहभागी छन्।

पूर्वप्रधानमन्त्री एवम् नेपाली कम्युनिस्ट पार्टीका संयोजक पुष्पकमल दाहाल 'प्रचण्ड', पूर्वप्रधानमन्त्री एवम् नेपाली कम्युनिस्ट पार्टीका सह-संयोजक माधवकुमार नेपाल, पूर्वप्रधानमन्त्री डा.बाबुराम भट्टराई सहभागी छन्।

त्यस्तै जनमत पार्टीका अध्यक्ष सिके राउत, नेपाली कांग्रेसका नेता प्रकाशशरण महत, राष्ट्रिय स्वतन्त्र पार्टीका उपसभापति डोलप्रसाद अर्याल, नेकपा एमालेका राजन भट्टराई लगायतका नेताहरू सहभागी छन्।

अर्थतन्त्रका चुनौती समाधानका निम्ति संवाद र सहकार्यको वातावरण बनाउन कार्यक्रम आयोजना गरिएको उल्लेख छ।