बेलायतको हिथ्रो विमानस्थल नजिकै विद्युतीय सबस्टेसनमा आगलागी भएपछि सयौं उडान प्रभावित बनेको छ।
शुक्रबार सबस्टेसनमा भीषण आगलागी भएपछि सयौं फ्लाइटहरू अवरूद्ध बनेको रोयटर्सले जनाएको छ। लन्डनमा रहेको उक्त विमानस्थल विश्वकै सबभन्दा व्यस्तमध्ये पर्छ। युरोपकै सबभन्दा व्यस्त विमानस्थल हो।
सबस्टेसनमा क्षति पुगेपछि विमानस्थलमा असर पुगेको हो।
स्थानीय समयअनुसार बिहीबार राति ११ बजेतिर आगलागी सुरू भएको थियो। त्यसपछि जहाजहरू डाइभर्ट गरिन थालिएको थियो।
अहिले आगलागी नियन्त्रणमा आइसकेको रोयटर्सले जनाएको छ। एक दिन विमानस्थल बन्द भएसँगै लाखौं डलर नोक्सान हुने भएको पनि उल्लेख गरेको छ।
युरो कन्ट्रोलका अनुसार हिथ्रोले १३ सयभन्दा बढी उडान एकैदिनमा गर्दै आएको छ।
उक्त विमानस्थलबाट ९० वटाभन्दा बढी देशका २३० स्थानमा उडान हुने गरेको छ।
९० वटा एयसलाइन्सले यहाँ उडान भर्ने गरेका छन्। लन्डन फायर ब्रिगेडले यस घटनाको छानबिन सुरू गरेको जनाएको छ।
-1746009348.jpg)
