तपाईंलाई थाहा छ आफु चढेको जहाजको उमेर पनि थाहा पाउन सकिन्छ नि।
विमानको उमेर पत्ता लगाउन कठिन छैन। यसका लागि सबैभन्दा पहिले तपाईंलाई उडान (फ्लाइट)नम्बर आवश्यक पर्छ। यो नम्बर तपाईंको टिकट, बोर्डिङ पास वा बुकिङ पत्रमा हुन्छ। फ्लाइट नम्बरमा सामान्यतया एयरलाइन्सको दुई अक्षर र त्यसपछिका तीन वा बढी अंक हुन्छ। जस्तै: इके २०३, बिए १०५ आदि।
उडान नम्बर पाएपछि तपाईंले विभिन् वेबसाइट जस्तो कि फ्लाइटर्याडर२४, फ्लाइटअवेयर, एयरफ्लेट्स डट नेट, प्लेनस्पोर्टर्स डट नेट जस्ता वेबसाइटमा नम्बर हालेर खोज्न सक्नुहुन्छ।
यी वेबसाइटले विमानको हालको अवस्था, मोडल र विशेषगरी रजिष्ट्रेसन नम्बर देखाउने छन्। यो रजिष्ट्रेसन नम्बर तपाईंले विमानको पछाडिपट्टीको भागमा पनि देख्न सक्नुहुनेछ। यति भएपछि तपाईंले विमानको इतिहास पत्ता लगाउन सक्नुहुनेछ। यसका लागि विशेषगरी एयरफ्लेट्स डट नेट र प्लेनस्पोर्टर्स डट नेटमा नम्बर खोज्न सक्नुहुनेछ।
यसबाट विमानको निर्माता कम्पनी (बोइङ, एयरबस) निर्माण वर्ष, विगतमा कुन वायुसेवा कम्पनीले सञ्चालन गरेको थियो बुझ्न सकिन्छ। साथै समय क्रम अनुसार भएको सुधार वा बाहिरी संरचना परिवर्तन लगायतबारे पनि जानकारी पाइन्छ।
यसरी तपाईंले सजिलै आफ्नो यात्रा गर्ने विमानको उमेर र इतिहास बुझ्न सक्नुहुनेछ। जसले तपाईंलाईको यात्रा थप सुरक्षित अनुभव गराउनेछ।
गल्फन्यूजबाट
-1746009348.jpg)
