भदौ २३ र २४ गतेको आन्दोलनका क्रममा भएको तोडफोड, आगजनी र लुटपाटबाट होटल हिल्टनसहित ठूलो व्यवसायिक क्षति भएको इन्फिनिटी होल्डिङ्स र शंकर ग्रुपले जनाएको छ।
समूहका अध्यक्ष दीपक भट्ट र सञ्चालक साहिल अग्रवालले संयुक्त वक्तव्य जारी गर्दै आन्दोलनका क्रममा प्राण गुमाउनेप्रति श्रद्धाञ्जली अर्पण गरेका छन्। साथै घाइतेको शीघ्र स्वास्थ्य लाभको कामना पनि गरेका छन्।
आन्दोलनका क्रममा व्यावसायिक क्षेत्रहरूमा भएको क्षतिबारे चिन्ता व्यक्त गर्दै कम्पनीले जगदम्बा हस्पिटालिटी समूह अन्तर्गत हालै सञ्चालनमा आएको होटल हिल्टनमा आगजनी हुँदा ठूलो आर्थिक तथा पर्यटन क्षेत्रमै असर परेको बताएको छ।
लगानी गुमे पनि व्यवसायलाई पुनः उठाउने प्रतिबद्धता जनाउँदै वक्तव्यमा सामाजिक सञ्जाल र विभिन्न माध्यममा आएका गलत सूचनाको पछाडि नलाग्न आम सर्वसाधारणलाई अपिल गरेको छ।
त्यस्तै वक्तव्यमा सुदन गुरुङ र उनी आबद्ध हामी नेपाल नामक संस्थासँग काेभिडकालीन समयमा सहकार्य गरिएकाे भएपनि त्यसयता सहकार्य नभएको स्पष्ट पार्दै पछिल्ला दिनमा आएका भ्रामक समाचारप्रति आपत्ति जनाइएका छन्।
साथै, लगानीकर्तामाथि भएको क्षतिले नेपालकै पर्यटन र व्यवसायिक क्षेत्रमा गम्भीर असर पारेको भन्दै देशमै नयाँ उद्यम सुरू गर्ने प्रतिबद्धता व्यक्त गरेका छन्।
-ink-1757489625.jpeg)
-1746009348.jpg)
