उपप्रधानमन्त्री एवम् रक्षामन्त्री ईश्वर पोखरेलले रक्षा मन्त्रालय परिसरबाटै काम सुरू गरेका छन।
कोरोना भाइरसको सन्त्रासका कारण उपप्रधानमन्त्री पोखरेलले फराकिलो ठाउँबाट काम सुरू गरेका हुन्।
कार्यकक्षमा भेटघाट गर्दा 'फिजिकल डिस्टेन्स' कायम गर्न समस्या आउने भएकाले रक्षा मन्त्रालय परिषर पुतली बगैंचाबाट पाल टाँगेर कार्यालय बनाइएको पोखरेलका प्रेस संयोजक लोकेन्द्र केसीले सेतोपाटीलाई बताए।
'उपप्रधानमन्त्रीज्युले आजका सबै भेटघाट पुतली बगैंचामै गर्नुभएको छ,' केसीले भने,'अब आवश्यक पर्ने सबै भेटघाट र बैठक यहीँबाट हुन्छन्।'
कोरोना रोकथाम तथा नियन्त्रणका लागि बनेको उच्च स्तरीय समन्वय समितिका संयोजकसमेत रहेका पोखरेलले आज कृषि मन्त्री घनश्याम भुषाल,उद्योग वाणिज्य तथा आपूर्ति मन्त्री लेखराज भट्ट, उर्जामन्त्री वर्षमान पुनलगायतसँग रक्षा मन्त्रालय परिसरमै भेटेका थिए।
आवश्यक कामकाजका लागि रक्षा मन्त्रालय परिषरको केहि भागमा पाल टागेर राखिएको छ।
