नेपाली कांग्रेसका महामन्त्री शशांक कोइरालाले आफू अझै २,३ दिन अस्पतालमै बस्ने बताएका छन्।
ओम अस्पतालबाटै संक्षिप्त भिडिओ सन्देश दिँदै उनले आफ्ना बारेमा चिन्ता नलिन समेत आग्रह गरेका छन्।
'म कोभिड-१९ बाट प्रभावित भएको व्यक्ति आज म यो ओम नर्सिङ होममा आइसोलेसनमा छु,' भिडिओमा उनले भनेका छन्,'तपाईंहरूले चिन्ता गर्नुपर्दैन २,३ अझै यहाँ बसेर म डिस्चार्ज हुन्छु। यतिनै भनौं भनेर हो।'
ज्वरो आएपछि कांग्रेस महामन्त्री कोइराला मंगलबार राति अस्पताल भर्ना भएका थिए। अस्पतालका अनुसार उनको ज्वरो नियन्त्रणमा आइसकेको छ।