नेपाली कांग्रेसका प्रवक्ता विश्वप्रकाश शर्माले प्रधानमन्त्री शेरबहादुर देउवा सचिवालयको ध्यानाकर्षण गराएका छन्।
प्रधानमन्त्री देउवाबारे उनको सचिवालयले सकारात्मक कुराहरूको भिडिओ बनाउँदै सार्वजनिक गर्न थालेपछि शर्माले ध्यानाकर्षण गराएका हुन्।
शर्माले बिहीबार राति ट्वीट गर्दै यो भिडिओ बनाउने नभएर काम गर्ने बेला भएको उल्लेख गरेका छन्।
‘उहाँलाई सही सल्लाह र साथ दिने बेला हो,’ शर्माले लेखेका छन्, ‘काम राम्रो भए जनता आफैंले बनाउने छन् भिडिओ नत्र पार्टीले बनाउला।’
शर्माले ‘पहिले फूल रोपौं, गोडमेल राम्रो गरौं, सुवास प्रकृतिले पछि फैलाउँछ’ भनेका छन्।
देउवाकै अनुमतिमा उनको सचिवालयले सकारात्मक कुरा गर्ने मानिसहरू तथा निकटता जोडिएका व्यक्तिहरू खोज्दै भिडिओ बनाएर बाहिर ल्याउन थालेको थियो।
देउवाले गरेका राम्रा कामको बखान उल्लेख गरेर भिडिओ सार्वजनिक भएपछि उनको सामाजिक सञ्जालमा आलोचना भइरहेको छ।
यसबारे सेतोपाटीमा प्रकाशित समाचार हेर्नुहोस्
प्रधानमन्त्री देउवाको सचिवालयले नै बनाएको हो ‘प्रोपागान्डा’ भिडिओ
-1746009348.jpg)
