जनतासँग माओवादी तीन महिने विशेष रूपान्तरण अभियान चलाइरहको नेकपा माओवादी केन्द्रले सांसदहरूको कार्यक्षेत्र हेरफेर गरेको छ।
पार्टी पदाधिकारीको नयाँ निर्णय अनुसार राष्ट्रियसभा र प्रतिनिधिसभाका सांसदहरूलाई काठमाडौं उपत्यकामा जिम्मेवारी तोकिएको हो।
‘संघीय संसदका माननीय सांसदहरूलाई संसदको बैठक र विषयगत समितिका बैठकहरू प्रभावित नहुने गरी तीन महिने अभियानमा उपत्यकामा जिम्मेवारी दिने निर्णय भएकाले उपत्यकाको संयुक्त कमान्डले कार्यक्षेत्र मिलाउनुहुन निर्देशन गरिन्छ,’ माओवादीले भदौ ३० गते जारी गरेको सर्कुलरमा उल्लेख छ।
माओवादी केन्द्रले गत भदौ १७ गतेदेखि जनतासँग माओवादी विशेष रूपान्तरण अभियान चलाइरहेको छ। मंसिरसम्म चल्ने अभियानमा २५ लाख मतदातासित अन्तर्क्रिया गर्ने जनाएको छ।
1626183247.jpg)
