नेपाली कांग्रेसका महामन्त्री गगन थापाले शिक्षकलाई पार्टी सदस्य बनाउन नहुने बताएका छन्।
यसबारेमा पार्टी र शिक्षकहरू पनि प्रष्ट हुनुपर्ने उनले सोमबारको केन्द्रीय समिति बैठकमा बताएका हुन्।
कांग्रेसको महाधिवेशनमा शिक्षक सहभागी भएको विषयमा अदालतबाट पनि प्रश्न उठेकोले यसबारे अब निर्णय लिनुपर्ने बेला आएको थापाले बताएका हुन्।
कुनै शिक्षक राजनीतिमा आउने हो भने पेशाबाट अलग हुनुपर्ने थापाको भनाइ छ।
‘संसदमा दर्ता भएको विद्यालय शिक्षा विधेयकले पनि शिक्षक राजनीतिक दलमा आबद्ध हुन रोकेको छ,’ थापाले भने, ‘यसबारे अब पार्टीले पनि निर्णय लिन ढिला गर्नु हुँदैन।’
