संयुक्त राष्ट्रसंघका महासचिव एन्टोनियो गुटेरेसले नेपाल विश्वको मित्र भएको बताएका छन्।
मंगलबार संघीय संसद बैठकलाई सम्बोधन गर्दै उनले नेपाल विश्वकै मित्र भएको बताएका हुन्। त्यसैले विश्वले पनि नेपाललाई असल मित्र मान्नुपर्ने बताएका हुन्।
‘महामहिमहरू, पछिल्ला केही दिनमा यो असाधारण देशको भ्रमण गर्न पाउँदा म ज्यादै खुसी छु। मैले देखेका कुराले एक सामान्य सत्यलाई पुष्टि गर्दछन्। नेपाल विश्वको मित्र हो। विश्व नेपालका लागि असल मित्र हुनुपर्छ,’ उनले उक्त भनाईबाट आफ्नो सम्बोधन टुंग्याए, ‘संयुक्त राष्ट्र संघले यसलाई वास्तविकतामा रूपान्तरण गर्नका लागि संघर्ष गर्न छाड्ने छैन। यहाँहरू सबैलाई मेरो हार्दिक धन्यवाद छ।’
उनले सम्बोधनकै क्रममा इसरायलमा हमासको आक्रमणमा परी ज्यान गुमाएका नेपाली विद्यार्थीको परिवारप्रति समवेदना प्रकट गरेका छन्।
‘हजारौं माइल टाढा इसरायलमा हमासको आक्रमणबाट नेपाल पनि पीडित बनेको छ। म हमासको आक्रमणबाट ज्यान गुमाएका नेपाली विद्यार्थीहरूको परिवारप्रति समवेदना प्रकट गर्न चाहन्छु। र सम्पर्कबिहीन रहेका विपिन जोशीको सुरक्षित तवरले फर्किउन् भनेर कामना व्यक्त गर्न चाहन्छु,’ उनले भने।
उनले नेपाल शान्तिको राष्ट्र समेत भएको बताएका छन्।
सम्बोधनको क्रममा उनले नेपालमा आफ्नो दोस्रो भ्रमण भएको बताएका छन्। यसअघि सन् १९७८मा नेपाल आएको पनि उनले जानकारी दिए।
-1698749317.jpg)
