संयुक्त राष्ट्रसंघका महासचिव एन्टोनियो गुटेरेसले विश्वमा शान्ति स्थापनाका लागि नेपालको भूमिका महत्वपूर्ण रहेको बताएका छन्।
मंगलबार संघीय संसदको दुबै सदनलाई सम्बोधन गर्दै गुटेरेसले संयुक्त राष्ट्रसंघको शान्ति मिसनमा सैनिक र प्रहरी खटाएर नेपालले पनि विश्वमा शान्ति स्थापनाका लागि महत्त्वपूर्ण योगदान गरेको बताएका हुन्।
उनले शान्ति स्थापनाका लागि खटिँदा ज्यान गुमाएका नेपाली सैनिक र प्रहरीको सम्मानमा संसदमै एक मिनेट मौनधारण समेत गरेका छन्।
गुटेरेसको आग्रहमा सांसदहरूले पनि शान्ति सेनामा खटिँदा ज्यान गुमाएका नेपाली सैनिकहरूको सम्मानमा मौन धारण गरे।
गुटेरेसको आग्रहमा सांसदहरूले पनि शान्ति सेनामा खटिँदा ज्यान गुमाएका नेपाली सैनिकहरूको सम्मानमा मौन धारण गरे।
‘उहाँहरूको योगदानलाई संयुक्त राष्ट्रसंघ सदैव सम्झिरहन्छ,’ गुटेरेसले भने।
उनले संक्रमणकालीन न्यायलाई टुंगोमा पुर्याउन पनि नेपालले प्रयास गरिरहेको बताए।
अन्तर्राष्ट्रिय मान्यता र सर्वोच्च अदालतको व्याख्या अनुसार संक्रमणकालीन न्यायलाई टुंगोमा पुर्याउनका लागि संयुक्त राष्ट्रसंघ पनि सहयोग गर्न तयार भएको उनको भनाइ छ।
‘संक्रमणकालीन न्याय आफैंमा जटिल विषय हो,’ उनले भने, ‘यसलाई टुंगोमा पुर्याउने विषयमा तपाईहरू एक्लै हुनुहुन्न। हामी पनि साथमा छौं।’
-1698749317.jpg)
