संघीय संसदको चालु अधिवेशन आजदेखि अन्त्य हुँदैछ।
संसदको अधिवेशन अन्त्य गर्ने निर्णय गर्न मन्त्रीपरिषद् बैठक सुरू भएको कानुमन्त्री धनराज गुरुङले जानकारी दिए।
बैठक अहिले केहीबेर अघि प्रधानमन्त्री तथा मन्त्रिपरिषद् कार्यालय सिंहदरबारमा सुरू भएको छ।
यसअघि बुधबार प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा र एमाले अध्यक्ष केपी शर्मा ओलीबीच भएको छलफलमा आजदेखि संसदको अधिवेशन अन्त्य गर्ने सहमति भएको थियो।
बुधबार नै प्रतिनिधिसभाको कार्यव्यवस्था परामर्श समितिले आजैदेखि संसद अधिवेशन अन्त्य हुने भएकाले अन्तिम बैठक कसरी सञ्चालन गर्ने भन्ने विषयमा छलफल गरेको थियो।
आज प्रतिनिधिसभामा सबै दलका प्रमुखहरुले सम्बोधन गर्ने, सांसदहरू शून्य समयमा बोल्ने र केही आयोगका प्रतिवेदन पेस हुने कार्यक्रम रहेको छ।
संसद बैठक बिहान ११ बजेका लागि आह्वान गरिएको छ।
