नेपाली कांग्रेसको भ्रातृ संस्था नेपाल विद्यार्थी संघ (नेविसंघ) का केन्द्रीय सदस्यहरूलाई प्रस्थापना गरिने भएको छ।
सभापति शेरबहादुर देउवाले गत साउनमा नेविसंघ केन्द्रीय समितिमा सात सय १० जनालाई नियुक्त गरेका थिए।
नेविसंघ केन्द्रीय अध्यक्ष दुजाङ शेर्पाका अनुसार केन्द्रीय सदस्यहरूको प्रस्थापना र नेविसंघबाट उम्मेदवार भई स्ववियु सभापति जितेकाहरूलाई सम्मान गर्न कात्तिक २० र २१ गते कार्यक्रम राखिएको छ।
नेपाल प्रज्ञा प्रतिष्ठान कमलादीमा कार्यक्रम हुनेछ।
कांग्रेसले नेविसंघ केन्द्रीय समिति 'जम्बो' बनाए पनि असन्तुष्टि कायमै छ।
असन्तुष्ट पक्षसँग कांग्रेसले तदर्थ समिति विस्तार र महाधिवेशन सुनिश्चिततासहित सहमति गरेको थियो।
उक्त सहमति कार्यान्वयन नभएको भन्दै असन्तुष्ट नेविसंघहरूले केही समयअघि सभापति देउवा निवास धुम्बाराहीमा प्रदर्शन र नेता शेखर कोइरालाको सचिवालयमा ध्यानाकर्षणसमेत गराएका थिए।
