गण्डकी प्रदेशले भूकम्पपीडितको सहयोगका लागि कर्णाली सरकारलाई एक करोड रूपैयाँ दिने निर्णय गरेको छ।
जाजरकोट केन्द्र भई गएको भूकम्पबाट पीडितहरूलाई उपचार गर्न गण्डकी सरकारले औषधिसहित स्वास्थ्यकर्मीसमेत पठाइसकेको छ।
‘आज बिहान बसेको मन्त्रिपरिषद बैठकले भूकम्पपीडितको खोज, उद्धार र राहत प्रयोजनका लागि गण्डकी सरकारका तर्फबाट कर्णाली सरकारलाई एक करोड रुपैयाँ दिने निर्णय भएको हो,’ मुख्यमन्त्री सुरेन्द्र पाण्डेका प्रेस संयोजक नरहरि सापकोटाले सेतोपाटीसँग भने, ‘एउटा प्रदेशका नागरिकलाई विपद पर्दा अर्को प्रदेशले सहयोग गर्नुपर्छ भनेर आर्थिक सहयोग गरिएको मुख्यमन्त्रीले बताउनुभएको छ।’
साथै गण्डकीले भूकम्प प्रभावित क्षेत्रमा औषधिसहित स्वास्थ्यकर्मीको टोली शनिबार नै पठाइसकिएको जनाएको छ।
