नेपाली कांग्रेसको भ्रातृ संस्था नेविसंघले जाजरकोट भूकम्प पीडितहरूलाई सहयोग गर्न आन्तरिक रूपमा आर्थिक सहयोग संकलन गरिरहेको छ।
नेविसंघले केन्द्रीय सदस्यबाट जनही एक हजार रूपैयाँका दरले सहयोग संकलन गरेको हो।
नेविसंघ केन्द्रीय समितिमा सात सय ११ जना सदस्य छन्।
सात लाख ११ हजार रुपैयाँ सहयोग संकलन गर्न लागिएको केन्द्रीय सदस्य टेकराज अवस्थीले सेतोपाटीलाई बताए।
साथै भूकम्पपीडित घाइतेको उपचारमा सहयोग गर्न नेविसंघले शिक्षण अस्पताल महाराजगञ्जमा शनिबारदेखि रक्तदान कार्यक्रम निरन्तर चलाइरहेको छ।
