नेपाली कांग्रेसले महासमिति बैठक सार्ने निर्णय गरेको छ।
सभापति शेरबहादुर देउवाको निवास धुम्बाराहीमा आइतबार बिहान बसेको केन्द्रीय कार्यसम्पादन समिति बैठकले महासमिति बैठक मंसिर २९, ३० गते र पुस १, २ गते गर्ने निर्णय गरेको प्रचार विभाग प्रमुख मीनबहादुर विश्वकर्माले जानकारी दिए।
यसअघि महासमिति बैठक मंसिर मंसिर १३ गतेदेखि १५ गतेसम्म काठमाडौंमा गर्ने निर्णय भएको थियो।
‘मंसिर २९ र ३० गते तथा पुस १ र २ गते महासमिति बैठक गर्ने निर्णय भएको छ,’ विश्वकर्माले भने, ‘ललितपुरको गोदावरीस्थित सभाहलमा महासमिति बैठक हुनेछ।’
गत शुक्रबार राति जाजरकोट केन्द्र भएर भूकम्प गएको र जनधनको ठूलो क्षति भएको भन्दै कांग्रेसले तिहारसम्म सार्वजनिक कार्यक्रम स्थगित गरेको छ।
भूकम्पका कारण महासमिति सदस्य चयन गर्ने अधिवेशनसमेत प्रभावित बनेको र मंसिरमा महासमिति बैठक गर्न हलसमेत नपाइएकोले बैठक सारिएको कांग्रेसले जनाएको छ।
