जाजरकोट केन्द्र भई गएको भूकम्पका पीडितहरूको सहयोगका लागि नेपाली कांग्रेस गण्डकी प्रदेशका सांसदहरूले १५ दिनको पारिश्रमिक उपलब्ध गराउने भएका छन्।
कांग्रेस गण्डकी संसदीय दल पदाधिकारी बैठकले १५ दिनको पारिश्रमिक सहयोग गर्ने निर्णय गरेको हो।
प्रमुख सचेतक नन्दप्रसाद न्यौपानेले मंगलबार जारी गरेको विज्ञप्तिमा कांग्रेसबाट गण्डकी प्रदेश सभामा प्रतिनिधित्व गर्ने सांसदहरूले १५ दिनको पारिश्रमिक उपलब्ध गराउने निर्णय भएको उल्लेख गरेका छन्।
‘कांग्रेस केन्द्रीय राहत कोषमार्फत् प्रधानमन्त्री दैवी प्रकोप राहत कोषमा जम्मा हुने गरी प्रदेश सांसदहरूको १५ दिनको पारिश्रमिक उपलब्ध गराउने निर्णय भएको छ,’ प्रमुख सचेतक न्यौपानेले सेतोपाटीसँग भने।
गण्डकीमा कांग्रेसका २७ जना सांसद छन्।
यस्तो छ विज्ञप्ति:
