राष्ट्रपति रामचन्द्र पौडेलले अल्पकालीन र दीर्घकालीन योजना बनाएर काम गर्न जनप्रतिनिधिहरूलाई आग्रह गरेका छन्।
भूकम्प प्रभावित जिल्ला जाजरकोट पुगेर मंगलबार राष्ट्रपति पौडेलले जिम्मेवार सरकार कस्तो हुन्छ भन्ने जनतालाई अनुभूति हुने गरी काम गर्न जनप्रतिनिधिहरूलाई आग्रह गरेका हुन्।
उनले भूकम्पपीडितका लागि तत्काल त्रिपाललगायतको व्यवस्था हुनुपर्ने बताए। दीर्घकालीन रूपमा भने बसोबास गर्ने उपयुक्त ठाउँ पहिचान गरी घरहरू बनाउनुपर्ने उनको भनाइ थियो।
‘तपाईंहरुको समस्या समाधानका लागि मसँगै छु, चिन्ता नगर्नुस्,’ राष्ट्रपति पौडेलले भूकम्पपीडितहरूसँग कुराकानी गर्दै भने।
राष्ट्रपति पौडेलले जाजरकोट अस्पताल पुगेर घाइतेहरूको अवस्थाबारे जानकारी लिएका थिए।
घाइतेहरूले उपचार, खाद्यन्न, घर निर्माणसहित बाँच्ने आधारको व्यवस्था गरिदिन राष्ट्रपति पौडेलसँग आग्रह गरेका थिए।
आवश्यक बासोबास, खाद्यन्नलगायत सबै कुराको प्रवन्ध हुने र त्यसका लागि आफूले सरकारसँग कुरा गर्ने राष्ट्रपतिले बताएको प्रेस सल्लाहकार किरण पोखरेलले बताए।
तस्बिरहरू:
