नेकपा (माओवादी केन्द्र)का सांसद जनार्दन शर्माले अघिल्लो अधिवेशनमा थोरै भएपनि महत्त्वपूर्ण कानुन बनेको बताएका छन्।
बुधबार प्रतिनिधि सभाको बैठकमा शर्माले मिटरब्याज पीडित नागरिकको पक्षमा, नेपाली नागरिक भएर पनि नागरिकताविहीन युवायुवतीको पक्षमा महत्त्वपूर्ण कानुन बनेको बताएका हुन्।
अबको अधिवेशनमा अलमल गर्ने छुट नभएको उनले बताए। संघीयता कार्यान्वयनका सन्दर्भमा विभिन्न कानुनहरू निर्माण गर्नुपर्ने उनले बताए।
‘सुशासन र विकास निर्माणसँग सम्बन्धित कानुनहरू अघि बढाउन भूमिका खेल्नुपर्नेछ, भूमिसँग सम्बन्धित कानुनहरूलाई पास गर्नुपर्नेछ। शान्ति प्रक्रियामा विषयमा बाँकी कुराहरू पनि अघि बढाउनुपर्छ,’ उनले भने।
शर्माले कानुन नहुँदा संघीयता कार्यान्वयनमा ठूला समस्या आएको र स्थानीय तह र प्रदेश सरकारले आफ्नो कामलाई प्रभावकारी बनाउन नसकेको बताए।
त्यसकारण संसदमा र समितिमा रहेका कानुनहरूलाई छिटोभन्दा छिटो पारित गर्नुपर्ने उनले बताए।
-1707291223.jpg)
