नेपाली कांग्रेसका १४ जिल्ला कार्यसमितिका सभापतिहरूले प्रदेशको नामाकरणको विषयलाई पार्टी महासमिति बैठकको मुख्य एजेन्डा बनाउन माग गरेका छन्।
कोशी प्रदेश नामाकरण भएपछि भइरहेका विरोध स्मरण गराउँदै उनीहरूले यसबारे फागुन ७ देखि १० गतेसम्म हुने महासमिति बैठकमा छलफलको एजेन्डा बनाउन माग गरेका हुन्।
युवा तथा खेलकुद मन्त्रीसमेत रहेका मोरङ सभापति डिगबहादुर लिम्बू, खोटाङ सभापति विष्णुकुमार राई, उदयपुर सभापति हिमाल कार्की, झापा सभापति देउकुमार थेबे, संखुवासभा सभापति दीपक खड्का, सुनसरी सभापति केदार भण्डारी, ओखलढुंगा सभापति तेजेन्द्र खनाल, सोलुखुम्बु सभापति नामगेल जाङ्बु शेर्पा, तेह्रथुम सभापति अर्जुन तुम्बाम्फे, इलाम सभापति डम्बर खड्का, पाँचथर सभापति रूपनारायण जगेबु र धनकुटा सभापति दिनेश राईले प्रदेश नामाकरणको विषयलाई मुख्य एजेन्डा बनाउन माग गरेका हुन्।
कोशी नाममा पुनर्विचार गर्न उनीहरूले गत जेठ १७ मा पनि आग्रह गरेका थिए। यस विषयमा कोशी सरकारले वार्ता टोली बनाएर वार्तासमेत गरी सहमति गरेको थियो।
