नेकपा (एमाले) का उपाध्यक्ष विष्णु पौडेलले आफूले महासचिवमा दाबी नगर्ने बताएका छन्।
प्रेस चौतारीले आयोजना गरेको पत्रकार सम्मेलनमा बोल्दै उपाध्यक्ष पौडेलले दसौं महाधिवेशनमै महासचिव छाडिसकेको बताउँदै अहिले उम्मेदवार नबन्ने बताएका हुन्।
‘म महासचिवको उम्मेदवार होइन। म एउटा चाहिँ शक्तिशाली पार्टी, नेपालको सबैभन्दा शक्तिशाली पार्टी, नेपाल कम्युनिस्ट पार्टीको महासचिव भएर काम गरेको मान्छे हो। मैले त दसौं महाधिवेशनमै छोडिसकेँ महासचिव। म कहाँ महासचिव हुन जान्छु, अब महासचिव हुदिनँ। महासचिवको उम्मेदवार होइन म।
त्यस्तै उनले वरिष्ठ उपाध्यक्षको व्यवस्था विधानमै नभएको भन्दै त्यता पनि आकांक्षा नरहेको आशय व्यक्त गरे।
‘महासचिवको उम्मेदवार होइन पहिलो कुरा। अब दोस्रो वरिष्ठ उपाध्यक्ष हुन्छस् के भन्नुभयो तपाईंहरूले, अब विधानमै छैन वरिष्ठ व्यवस्था,’ उनले भने।
उनले अध्यक्ष केपी ओलीकै नेतृत्वमा गोलबन्द भएर पार्टीलाई एकताबद्ध बनाऊँ भन्दा नमान्नुपर्ने कारण नरहेको बताएका छन्।
‘मलाई के लाग्दैन भने, अहिले चाहिँ खास गरिकन अनेक प्रकारको हण्डरठक्कर आरोहअवरोहको सामना गर्दै पार्टी, मुलुक र आन्दोलनलाई नेतृत्व गर्नु भएको अध्यक्ष केपी शर्मा ओलीको नेतृत्वको वरिपरि गोलबन्द भएर पार्टीलाई एकताबद्ध गरेर लिएर जाऊँ भनेर भन्दाखेरी नमान्नुपर्ने पनि म कुनै त्यस्तो देख्दिनँ र यो चाहिँ मैले सम्भवै छैन भन्ने पनि मलाई लाग्दैन,’ उनले भने।
-1746009348.jpg)
