मधेस प्रदेशमा नेपाली कांग्रेसको नेतृत्वमा नयाँ सरकार बनाउन दलहरूबीच सहमति भएको छ।
कांग्रेसका कृष्णप्रसाद यादवको नेतृत्वमा सरकार बनाउन ६ दलबीच लिखित सहमति भएको हो।
मुख्यमन्त्रीमा दाबी पेस गर्न यादवसहित नेताहरू मधेस प्रदेश प्रमुखको कार्यालय पुगेका छन्।
६ दलीय गठबन्धनले मुख्यमन्त्रीमा यादवको नाम टुंगो लगाएको लोसपाका सांसद उपेन्द्र महतोले जानकारी दिए।
प्रदेश प्रमुखले दिएको समयभित्रै दाबी पेस गर्ने उनको भनाइ छ।
कांग्रेस, जसपा नेपाल, जनमत पार्टी, माओवादी केन्द्र, लोसपा नेपाल र एकीकृत समाजवादीबीच कांग्रेसका सांसद यादवलाई मुख्यमन्त्री बनाउन लिखित सहमति भएको हो।
-1746009348.jpg)
