राष्ट्रिय प्रजातन्त्र पार्टी (राप्रपा)ले अन्तर्राष्ट्रिय डेमोक्रेसी युनियनमा नवीन समझदारीबारे ध्यानाकर्षण गराएको छ।
राप्रपा केन्द्रीय सदस्य हिक्मतजंग कार्कीले युनियनको कार्यकारी बैठकमा नेपालका पछिल्ला राजनीतिक परिवर्तनहरूबारे जानकारी गराएका हुन्। उनले राप्रपाको आधिकारिक धारणा पनि उक्त बैठकमा पेस गरेका थिए।
राप्रपाले प्रधानमन्त्री सुशीला कार्कीसमक्ष राखेको राजा, राजनीतिक दल र जेनजी प्रतिनिधिहरूबीच नवीन समझदारीबारे पेस गरेको मागबारे पनि कार्कीले बैठकमा धारणा राखेका थिए।
‘दीर्घकालीन राजनीतिक स्थिरताका लागि राजा, राजनीतिक दलहरू, जेन–जेड प्रतिनिधिहरू र नागरिक समाजबीच बहुपक्षीय राष्ट्रिय सहमति आवश्यक छ,’ उनले बैठकमा भनेका थिए, ‘विदेशमा बस्ने नेपालीहरूको पूर्ण मताधिकार र जेनजी आन्दोलनमा सहिद भएका र घाइते नागरिकहरूको सम्मान, क्षतिपूर्ति, उपचार तथा पारदर्शी न्यायिक प्रक्रियामार्फत न्याय सुनिश्चित गर्नुपर्ने धारणा हाम्रो पार्टीको छ।’
उक्त बैठकको अध्यक्ष क्यानाडाका पूर्व प्रधानमन्त्री स्टिफेन हार्पर हुन्।
बैठकमा अस्ट्रेलियाका पूर्व प्रधानमन्त्री स्कट मोरिसन, न्युजिल्यान्डकी मन्त्री जुडिथ कोलिन्स र मोल्दोवा संसद्का अध्यक्ष इगोर ग्रोसुसहित ५० जना भन्दा बढी राष्ट्रका प्रतिनिधिहरू सहभागी थिए।
-1765087242.jpg)
-1746009348.jpg)
