लोकसेवा आयोगले सचिवमा बढुवा गर्न तीन जनाको नाम सिफारिस गरेको छ।
आयोगका अध्यक्ष माधवप्रसाद रेग्मीको अध्यक्षतामा बसेको बढुवा सिफारिसको समितिले तीन जनाको नाम सिफारिस गरेको हो।
सहसचिवहरू राजेन्द्रकुमार पौडेल, कमलप्रसाद भट्टराई र इन्दु घिमिरे सचिव पदका लागि बढुवा सिफारिस भएका हुन्।
सिफारिस भएका सहसचिव पौडेल हाल अख्तियार दुरूपयोग अनुसन्धान आयोग टंगालमा कार्यरत छन्। उनी अख्तियार प्रवक्ता समेत हुन्।
त्यस्तै भट्टराई वैदेशिक रोजगार विभागमा महानिर्देशक छन्।
घिमिरे भने संस्कृति, पर्यटन तथा नागरिक उड्डयन मन्त्रालयमा कार्यरत छिन्।
सोमबार मन्त्रिपरिषदको बैठक बस्दैछ। उक्त बैठकले यीमध्ये एक जनालाई सचिवमा बढुवा गर्ने तयारी छ।
-1746009348.jpg)
