नेकपा (एमाले)को ११ औं महाधिवेशन अन्तर्गत मतगणनाको तयारी हुँदैछ।
२२ घन्टापछि मतदान भएसँगै मतगणनाको तयारी भइरहेको एमाले केन्द्रीय निर्वाचन आयोगका अध्यक्ष विजय सुब्बाले बताएका छन्।
मतदान सुरू भएको साढे दुईदेखि तीन घन्टाभित्र नतिजा सार्वजनिक हुने उनले बताए।
विद्युतीय भोटिङ मेसिनमार्फत मतदान भएकाले गणनामा समय नलाग्ने र नतिजा पनि एकैसाथ आउने अध्यक्ष सुब्बाले बताए।
'अध्यक्षदेखि केन्द्रीय सदस्यसम्मको नतिजा एकैसाथ आउँछ,' उनले भने।
नतिजा सार्वजनिक भएपछि पार्टी अध्यक्ष र दुइटा आयोगका अध्यक्षलाई शपथ ग्रहण गराइने र बाँकी काम थाति राखिने बताए।
'पार्टी अध्यक्ष, केन्द्रीय लेखा आयोग र अनुशासन आयोगका अध्यक्ष निर्वाचित हुनुहुनेलाई आजै शपथ ग्रहण गराइन्छ। प्रमाणपत्र वितरण भने आज हुँदैन,' उनले भने, 'आजको काम त्यति हुन्छ।'
अध्यक्षमा केपी ओली र ईश्वर पोखरेल उम्मेदवार छन्।
केन्द्रीय अनुशासन आयोगमा प्राध्यापक डा. भरतराज पहारी र लेखा आयोगमा पुष्पराज कँडेल निर्विरोध निर्वाचित भइसकेका छन्।
-1765620488.jpg)
-1746009348.jpg)
